என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
நீங்கள் தேடியது "போலி லாட்டரி சீட்டு"
புதுச்சேரி:
புதுவையில் 3 நம்பர் லாட்டரி சீட்டுகளை விற்பவர்களை கைது செய்ய போலீஸ் சூப்பிரண்டு மாறன் தீவிர நடவடிக்கை எடுத்து வருகிறார். அவரது உத்தரவின் பேரில் போலி லாட்டரி கும்பலை போலீசார் கைது செய்து வருகிறார்கள்.
இந்த நிலையில் முத்தியால்பேட்டை- கோட்டக்குப்பம் எல்லையில் 2 பேர் செல்போன் மூலம் 3 நம்பர் போலி லாட்டரி விற்பதாக முத்தியால்பேட்டை போலீசாருக்கு ரகசிய தகவல் வந்தது.
இதையடுத்து போலீஸ் இன்ஸ்பெக்டர் ஹேமச் சந்திரன் மேற்பார்வையில் சப்-இன்ஸ்பெக்டர் ரமேஷ் மற்றும் போலீசார் நேற்று அந்த பகுதியில் கண்காணிப்பு பணியில் ஈடுபட்டனர்.
அப்போது 2 பேர் போலீசாரை பார்த்ததும் தப்பி ஓடினர். இதனால் சந்தேகம் அடைந்த போலீசார் அவர்களை மடக்கி பிடித்தனர். விசாரணையில் அவர்கள் 2 பேரும் செல்போன் மூலம் நம்பர் போலி லாட்டரி சீட்டு விற்பனை செய்தது தெரிய வந்தது.
இதையடுத்து அவர்கள் 2 பேரையும் போலீஸ் நிலையத்துக்கு அழைத்து சென்று விசாரணை நடத்தினர்.
விசாரணையில் அவர்கள் முத்தியால்பேட்டை சோலை தெருவை சேர்ந்த தச்சு தொழிலாளி இளங்கோ (வயது 45) மற்றும் அதே பகுதியை சேர்ந்த பெயிண்டர் ஆறுமுகம் (44) என்பதும், அதிகம் சம்பாதிக்கும் நோக்கத்தில் அவர்கள் போலி லாட்டரி சீட்டுகளை விற்றதும் தெரிய வந்தது.
இதையடுத்து அவர்கள் 2 பேரையும் போலீசார் கைது செய்தனர். அவர்களிடம் இருந்த லாட்டரி விற்பனை பணம் ரூ. 5700 மற்றும் 2 செல்போன்கள் ஆகியவற்றை பறிமுதல் செய்தனர்.
புதுவை வேல்ராம்பட்டு துலுக்கானத்தம்மன் நகரில் ஒரு வீட்டில் ரகசியமாக ஆன்லைன் மூலம் போலி லாட்டரி சீட்டு விற்பனை நடைபெறுவதாக முதலியார் பேட்டை போலீசாருக்கு ரகசிய தகவல் வந்தது.
இதையடுத்து போலீஸ் இன்ஸ்பெக்டர் பாபுஜி உத்தரவின் பேரில் சப்- இன்ஸ்பெக்டர் தமிழரசன் மற்றும் போலீசார் துலுக்கானத்தம்மன் நகரில் கண்காணிப்பு பணியில் ஈடுபட்டனர்.
அப்போது அங்குள்ள செல்வராஜ் என்பவர் வீட்டில் சிலர் வருவதும், போவதுமாக இருந்தனர். இதனால் சந்தேகம் அடைந்த போலீசார் அந்த வீட்டில் அதிரடி சோதனை நடத்தினர்.
அப்போது அந்த வீட்டில் செல்வராஜ்மற்றும் அவரது மகன் மதியழகன் (22) ஆகிய இருவரும் சேர்ந்து ஆன்லைன் மூலம் 3 நம்பர் லாட்டரி சீட்டு விற்பனை செய்து வந்தது தெரிய வந்தது.
இதையடுத்து அவர்கள் இருவரையும் போலீசார் கைது செய்தனர். அவர்களிடம் இருந்து 2300 போலி லாட்டரி சீட்டுகள், விற்பனை பணம் ரூ. 26 ஆயிரம் மற்றும் செல்போன்களை பறிமுதல் செய்தனர். #fakelottery
புதுச்சேரி:
புதுவை சண்முகாபுரத்தில் ஒரு வீட்டில் போலி லாட்டரி சீட்டுகள் விற்பனை செய்யப்படுவதாக வந்த தகவலின் அடிப்படையில் கடந்த சில நாட்களுக்கு முன்பு அதிரடிப்படை போலீசார் மற்றும் கோரிமேடு போலீசார் அந்த வீட்டில் சோதனை நடத்தினர்.
அப்போது அங்கு போலி லாட்டரி சீட்டுகள் மற்றும் அதனை தயாரிக்க பயன்படுத்திய பிரிண்டர்கள், லேப்-டாப்கள் ஆகியவற்றை பறிமுதல் செய்தனர். மேலும் போலி லாட்டரி சீட்டு தயாரிப்பில் ஈடுபட்ட ஸ்ரீராம் உள்ளிட்ட 7 பேரை கைது செய்தனர்.
இந்த சமூக விரோத தொழிலில் தொடர்புடைய குண்டு பாளையத்தை சேர்ந்த பொதுப்பணித்துறை ஊழியர் ராதா (42), குயவர் பாளையத்தை சேர்ந்த எம்ப்ளாய்மென்ட் ரமேஷ் (42), திலாஸ்பேட்டையை சேர்ந்த விக்னேஸ்வரன் (42) ஆகிய 3 பேரும் தலைமறைவாக இருந்து வந்தனர்.
இந்த நிலையில் கோரிமேடு போலீஸ் இன்ஸ்பெக்டர் கண்ணன், சப்- இன்ஸ்பெக்டர் கலையரசன் ஆகியோர் நேற்று தலைமறைவாக இருந்து வந்த பொதுப்பணித்துறை ஊழியர் ராதா உள்பட 3 பேரையும் கைது செய்தனர்.
புதுவையில் லாட்டரி விற்பனைக்கு தடை விதிக்கப்பட்டு இருந்தும் மறைமுகமாக பல்வேறு இடங்களில் 3 நம்பர் லாட்டரி விற்பனை நடைபெறுகிறது.
ரகசிய தகவலின் அடிப்படையில் லாட்டரி சீட்டு விற்பனை செய்பவர்களை போலீசார் கைது செய்து வந்தாலும் போலீசாருக்கு டிமிக்கி காட்டி விட்டு செல்போன் மூலம் லாட்டரி விற்பனை நடந்து கொண்டுதான் உள்ளது.
நேற்றைய தினம் முத்தியால்பேட்டை ஏழை மாரியம்மன் கோவில் சந்திப்பில் 3 நம்பர் லாட்டரி சீட்டு விற்ற புருஷோத்தமன் மற்றும் சந்துரு ஆகிய 2 பேரையும் அதிரடி போலீசார் கைது செய்தனர்.
இந்த நிலையில் சண்முகாபுரத்தில் ஒரு வீட்டில் போலி லாட்டரி சீட்டு தயாரித்து விற்பனை செய்வதாக அதிரடி போலீசாருக்கு ரகசிய தகவல் கிடைத்தது.
இதையடுத்து அதிரடி போலீஸ் இன்ஸ்பெக்டர் கார்த்திகேயன், சப்- இன்ஸ்பெக்டர்கள் ரமேஷ், சந்தோஷ் மற்றும் கோரிமேடு போலீஸ் இன்ஸ்பெக்டர் கண்ணன், சப்-இன்ஸ்பெக்டர் கலையரசன் ஆகியோர் நேற்று மாலை அந்த வீட்டில் அதிரடி சோதனை நடத்தினர்.
அப்போது அரியாங் குப்பத்தை சேர்ந்த கிருஷ்ணன் என்பவர் வீட்டை வாடகைக்கு எடுத்து போலி லாட்டரி சீட்டுகளை தயாரித்து விற்பனை செய்து வந்தது தெரிய வந்தது. இதையடுத்து கிருஷ்ணனை பிடித்து போலீசார் விசாரணை மேற்கொண்டனர்.
விசாரணையில் இதற்கு கோட்டக்குப்பத்தை சேர்ந்த பாபு என்பவர் மூளையாக செயல்பட்டு வந்தது தெரிய வந்தது.
மேலும் பாபுவின் ஏஜெண்டாக திலாஸ்பேட்டையை சேர்ந்த ஸ்ரீராம் இருந்து வந்துள்ளார். இவரிடம் இருந்து லாட்டரி சீட்டுகள் பெற்று கிருஷ்ணன், கோரி மேடு பகுதியை சேர்ந்த வேல்முருகன் ஆகியோர் விற்று பணத்தை ஸ்ரீராமிடம் கொடுத்து வந்தது தெரிய வந்தது.
மேலும் போலி லாட்டரி சீட்டுகளை தயாரிக்க தூத்துக்குடியை சேர்ந்த ரிச்சர்டு, தேவகோட்டையை சேர்ந்த சிங்கமுகம் ஆகியோர் உதவி செய்து வந்ததும் தெரியவந்தது.
இதையடுத்து கிருஷ்ணன், ஸ்ரீராம், வேல்முருகன், ரிச்சர்டு, சிங்கமுத்து ஆகிய 5 பேரையும் போலீசார் கைது செய்தனர். அவர்களிடம் இருந்து லாட்டரி சீட்டு விற்பனை பணம் ரூ.1 லட்சத்து 28 ஆயிரம், ரொக்க பணம், லாட்டரி சீட்டு தயாரிக்க பயன்படுத்திய 4 லேப்-டாப், 13 செல்போன்கள், டேப்- லெட், பிரிண்டிங் மெஷின்,4 டிக்கெட் மெஷின் ஆகியவற்றை பறிமுதல் செய்தனர்.
மேலும் போலி லாட்டரி விற்பனைக்கு மூளையாக செயல்பட்டு தலைமறைவாக உள்ள கோட்டக்குப்பத்தை சேர்ந்த பாபுவை போலீசார் தேடி வருகிறார்கள். #tamilnews
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
